اختر مروحة فيها موتور BLDC أو مطابقة لطاقة الـ ENERGY STAR ⚙️ المواتير الحديثة تستهلك ٢٠٪ – ٥٠٪ أقل في استهلاك الكهرباء مع أداء ممتاز 🔹 ابدأ بأقل سرعة محتاجها لو الجو مش حر قوي، مش لازم تشغلها على أعلى سرعة، السرعات القليلة بتدي تهوية كويسة جدًا، وبتوفّر في استهلاك الكهرباء 🔹 اقفل الشبابيك والبيبان لو الجو حر أوي لو الهواء اللي داخل من بره سخن، المروحة هتدوّره في الأوضة، بس لو الجو فيه نسمة حلوة، افتح الشباك وخلي المروحة تساعد يدخل الهوى 🔹 استخدم المؤقتات في الليل أو الصباح الباكر تشغيل المروحة في وقت الصيف البارد يقلل الضغط على الشبكة ويطوّل عمرها 🔹 نضّف ريش المروحة مرة كل أسبوعين على الأقل التراب بيقلل كفاءة الدوران وبيخلي الموتور يشتغل بجهد أكبر، وده معناه استهلاك كهرباء أكتر وعُمر أقصر للجهاز 🔹 إفصلها عن الكهرباء لما تقفلها حتى لو مش شغالة، هي بتسحب كهرباء في وضع s‑t‑a‑n‑d‑b‑y 💡 🛍️ نصيحة وإنت بتشتري: · لو متاح، اختار مروحة بموتور (BLDC بديل الموتور التقليدي)، لأنها بتستهلك كهربا أقل بنسبة ٥٠٪، وفيها سرعات متعددة، لو مش متوفرة، اختار مروحة بموتور نحاس (مش ألمونيوم)، لأنها أقوى وتعيش أطول. · شوف تقييمات المستخدمين أو جربها في المحل… المروحة الهادية بتدي راحة أكتر وما تخليكش تفصلها بسبب الإزعاج. · عدد الريش والشفرات يكون من ٣ -٥ ريشة كافية جدًا، المهم تكون مروحة موزونة صح علشان الهواء يتوزع كويس وما تتهزش. · اسأل البائع إذا الريش والإطار بيتفكوا بسهولة، لأن التنضيف الدوري بيأثر على الأداء. · اختار مروحة بين (٣٥ - ٥٥ وات ( مش شرط الأعلى أفضل. 🎯 استخدام المروحة الصح معناه راحة صح، جو أنقى، وفاتورة أذكى ومتنساش إنك لازم تكون كفاءة يا طاقة

كفاءة يا طاقة – ماكينة الخياطة فن وإتقان وأمان 🧵 ماكينة الخياطة هواية ولازم تكون حماية ليك ولبيتك وللشبكة من إستهلاك كهرباء زيادة 🔹  استخدام موتور سيرفو بدل الـ clutch لو متاح موتور الـ Servo يستهلك لحد ٧٠٪ أقل، لأنه يشتغل وقت الخياطة بس  🔹  شغلها بسرعات منطقية حسب الخامة استخدامك لطريقة الخياطة الصح يقلل من الوقت والكهرباء، الخياطة المتقطعة بتستهلك أقل 🔹 نضّف الماكينة من بواقي الخيط والقماش بعد كل استخدام التراب وبواقي الخياطة بيخنق الموتور، وده بيخليه يستهلك كهرباء أكتر علشان يشتغل 🔹 غيّر الإبرة كل ٦-٨ ساعات خياطة الإبرة التالفة بتجبر الموتور يضغط أكثر = كهرباء ومجهود زايد 🔹 فصلها عند عدم الاستخدام الحماية بتحد من الضرر الناتج عن الترددات المفاجئة أو زيادة التيار 🔹  ابعِدها عن الفيشة تماماً لو مش شغّال لأن الاستاند - باي برده بيستهلك كهرباء   💡 🛍️ نصيحة وإنت بتشتري: ·  لو استخدامك بسيط (تعديلات، خياطة خفيفة): الماكينات الصغيرة اليدوية أو نصف أوتوماتيك تكفي. ·  لو هتشتغل لفترات طويلة أو مشاريع أكبر، خليك في ماكينة كهربائية فيها برامج متعددة. ·       اختار ماكينة فيها موتور داخلي قوي، بيفضل يكون بقوة فوق 70 واط علشان تشتغل على خامات تقيلة. ·       تأكد من وجود غرز متعددة (منها المتعرجة)، وبرنامج لعمل العروة، وبرنامج للعكس (Reverse). ·       إتاكد ان الملحقات الخاصة بيها تكون موجودة معاها زي بكرة إضافية – دواسات – مفك – زيت – إبر مختلفة – شنطة تخزين، كل دي لازم تكون موجودة مع الجهاز، لأن تمنها لوحده بيكون عالي. ·       اسأل على الضمان (سنة على الأقل) ومكان الصيانة الأقرب ليك، ووجود قطع غيار. ·       اتاكد ان يكون فيها حماية كهربائية بعض الموديلات فيها فصل تلقائي لو السخان سخن زيادة، أو لو الموتور اتضغط عليه، ده مهم لو استخدامك متكرر. 🎯  خياطة صح = ماكينة مرتاحة، قماش نضيف، وشغل بجودة أعلى وتوفير حقيقي في كهرباء وعُمر الجهاز .. وكفاءة يا طاقة

🔹  ما تسخّنش ميّه أكتر من اللي محتاجها بتسخّن الكاتل علشان تعمل كوباية شاي؟ يبقى كفايه تملأ كمية مناسبة، مش لازم تملأه للآخر لآن كل نص لتر زيادة = وقت أطول = كهربا مهدورة 🔹  نضّف الكاتل من الجير والترسبات بانتظام 🧼 وجود طبقة جير جوه الكاتل بيقلل من كفاءة التسخين، ويخلي الجهاز يستهلك كهرباء أكتر علشان يوصل للغليان ممكن تنظفه بسهولة بخل ومياه دافيه مرة كل أسبوعين 🔹  متسيبوش شغال على الفاضي 🚫 ماتشغلوش تاني بعد ما يفصل مباشرة، بمجرد المياه ما تسخّن افصل الفيشة من الكهرباء فورًا أول ما تسمع صوت الفصل 🔹  استخدم كاتل بعلامات واضحة لقياس المياه 🔍 ده هيساعدك تعبي الكمية المناسبة، ويوفر عليك وقت وكهرباء 🔹  اختار موديل فيه قاعدة فصل أوتوماتيك وفيوز أمان لو في ارتفاع مفاجئ في الكهرباء، الفيوز يفصل ويحمي الجهاز، كمان وجود قاعدة منفصلة بيخلي الاستخدام أسهل وأمان أكتر 🔹  لو بتعمل مشروبات بشكل متكرر، فكّر تسخّن مرّة واحدة وتحتفظ بالمياه في ترمس عازل هتوفر وقت وكهربا بدل ما تشغّل الكاتل ٣–٤ مرات لنفس الاستخدام 💡 🛍️ نصيحة وإنت بتشتري: 🔹  اختار القدرة المناسبة (Wattage): ·       الكاتل بيشتغل عادة بين  ١٥٠٠- ٣٠٠٠ واط ·       لو هتستخدمه مرة أو مرتين في اليوم، كاتل بقدرة ١٥٠٠–١٨٠٠ واط كافي ·       لو عدد أفراد الأسرة كبير أو الاستخدام متكرر، ممكن تختار قدرة أعلى بس مع ضبط الكمية 🔹  الخامة الداخلية: ستانلس ستيل أفضل من البلاستيك ·       الكاتل الستانلس بيعيش أطول، وما بيغيّرش طعم المياه ·       ابتعد عن البلاستيك الرخيص لأن الحرارة العالية ممكن تأثر على المواد المصنوع منها 🔹  اختار كاتل بعلامات واضحة لقياس المياه (Water Level Indicator): ده بيساعدك تسخّن على قد الكمية اللي محتاجها بالضبط، فتوفّر كهرباء وما تهدرش مياه 🔹  يُفضّل وجود فلتر داخلي عند الفوّهة: بيمنع الرواسب أو الجير من الخروج مع المياه، وده مفيد للناس اللي عندهم مياه فيها معادن 🔹  دور على قاعدة ٣٦٠ درجة وفصل تلقائي (Auto Shut-Off): ·       القاعدة اللي بتلف في كل الاتجاهات بتسهّل الاستخدام ·       والفصل التلقائي بيفصل الكاتل أول ما المياه تغلي، وبيحمي الجهاز من السخونة الزايدة 🔹  يُفضّل وجود خاصية الغلي الآمن (Boil Dry Protection): لو شغلت الكاتل بالغلط من غير مياه، بيفصل أوتوماتيك وميتحرقش 🔹  هل الكاتل فيه خاصية الاحتفاظ بالسخونة؟ بعض آجهزة الكاتل فيها وضع بيحافظ على سخونة المياه من غير ما يغليها تاني – دي مفيدة جدًا وبتوفّر كهرباء 🔹  اختار ماركة ليها ضمان وصيانة متوفرة الجهاز بيشتغل بحرارة عالية وبشكل يومي، فضروري تضمن إنك تقدر تصلحه أو تبدّله لو حصل فيه مشكلة 🎯  كاتل ذكي = كهربا أقل وسرعة أكبر استخدمه بعقل .. وخليك كفاءة يا طاقة في كل رشفة شاي ☕⚡

كفاءة يا طاقة – خلى المكنسة تشفط تراب .. مش فلوس 🧹 المكنسة الكهربائية من أكتر الأجهزة المفيدة في البيت، لكن استهلاكها للكهرباء ممكن يكون عالي لو ما فهمناش طريقة استخدامها وأوقات تشغيلها 🔹 اختر القوة المناسبة لحجم البيت ⚙️�لو شقتك صغيرة، مش لازم مكنسة ٢٠٠٠ وات، كل ما زادت القوة بدون حاجة، زاد الاستهلاك بدون فايدة حقيقية. 🔹 نضّف الفلاتر والكيس بانتظام 🧼�فلتر مكتوم = موتور بيضغط على نفسه أكتر = فاتورة أعلى وعمر أقصر للمكنسة. 🔹 متشغّلهاش على الفاضي 🚫�ما تخليش المكنسة شغالة وإنت بتتحرك من أوضة للتانية، شغلها بس وقت الاستخدام. 🔹 مرة واحدة في اليوم تكفي 🕐�بدل ما تكنّس كذا مرة في اليوم، امسح أو شيل الفتافيت يدويًا في المرات البسيطة، ده هيوفر في الكهرباء وعمر المكنسة. 🔹 خلي بالك من وقت الذروة ⚡�المكنسة بتسحب كهرباء كتير وقت التشغيل، حاول تبعد عن الفترة من ٥ لـ ١١ مساءً خصوصًا في الصيف. 🔹 المكنسة الروبوت؟ ممتازة بس ليها شروط 🤖�لو بتفكر في مكنسة ذكية، اتأكد إنها مناسبة لمساحة بيتك وراجع استهلاكها للكهرباء قبل الشراء. 💡 🛍️ نصيحة وأنت بتشتري: 🟢 راجع تقييم استهلاك الطاقة على الملصق (Energy Label) 🟢 اختار المكنسة اللي فيها خاصية توفير الطاقة أو نظام تنظيف متعدد المستويات 🎯 المكنسة مش رفاهية، وفر وقتك وكهربتك، وخليك كفاءة يا طاقة 💪⚡

استخدمها صح: 🔹ابدأ بالملابس الخفيفة 👚 ابدأ بملابس القطن أو الحرير على أقل درجة حرارة، وبعدها الملابس اللي محتاجة حرارة أعلى، كده كدة الحرارة بتزيد تدريجي ومش هيكون في هدر 🔹جهّز كل الملابس قبل ما تشغلها 🧺 جمّع الملابس وجهّزها متطبقة ومفرودة، علشان وقت الكي يكون متواصل بدون فواصل تضيع طاقة 🔹افصلها قبل ما تخلص 🔌⏱️ افصل المكواة قبل ما تخلص بكام دقيقة، وخلي الحرارة المتبقية كفاية لكي آخر قطعة 🔹حاول تستخدم الكي بالجفاف الذكي 💨 الملابس اللي فيها رطوبة بسيطة بتتكوي أسرع وأسهل، وفّي الطاقة والجهد 🔹نضّف سطح المكواة باستمرار 🧽 الاتساخ بيقلل كفاءتها وبيخلي الحرارة مش متوزعة بالشكل المظبوط 💡 🛍️ نصيحة وإنت بتشتري: 🟢 اختار مكواة فيها تحكم في درجات الحرارة ومؤشر إيقاف تلقائي 🟢 المكواة البخارية بتكوي أسرع، وبتقلل وقت التشغيل 🟢 افحص قوة الجهاز (Wattage) – الأعلى مش دايمًا الأفضل، شوف المناسب لعدد أفراد أسرتك…وخليك كفاءة يا طاقة

ترتيب محتويات الديب فريزر مش رفاهية، دي خطوة مهمة بتفرق في كفاءة التبريد واستهلاك الكهرباء: ✅ رتّب الأكل بشكل منظم وسهل الوصول ✅ سيب مسافات للهواء يوزع التبريد كويس ✅ خصص درج لكل نوع من الأطعمة علشان تقدر تلاقية بسهولة 🏠 وكمان مهم جدًا: 🚫 ماتحطّش الديب فريزر في غرفة المعيشة أو النوم لأنه بيطلّع حرارة ... وده بيخلّي الغرفة تسخن وبالتالي التكييف هيشتغل أكتر ويستهلك كهرباء أكتر 💡 نصيحة بسيطة هتوفر عليك كتير 👌

🎯 نصائح مهمة تساعدك في الإستخدام الأمثل للجهاز: ✅ نظّف الفلاتر والخزانات الداخلية بانتظام – مرة كل شهر ✅ افصل زر السخّان لو مش محتاج المياه السخنة باستمرار ✅ حافظ على المسافة بين الجهاز والحائط علشان التهوية ✅ ما تفتحش باب الثلاجة كتير أو تسيبه مفتوح – ده بيهدر الطاقة ✅ شغّل الجهاز في مكان جيد التهوية، وبعيد عن الشمس ✅ اعمل صيانة دورية علشان تتأكد من كفاءة التبريد والتسخين 💡 جهاز نظيف = مياه أنضف، طاقة أقل، وصحة أحسن 🧠 راحة مستدامة تبدأ من استخدام واعي .. وخليك كفاءة يا طاقة 💵

🎛️ كفاءة يا طاقة | ريموت التكييف مش بس أزرار .. ده مفتاح التوفير كل زر في ريموت التكييف ليه معنى، ولو استخدمته صح .. هتوفر كهربا وتحافظ على جهازك: 🌡️ TEMP = لتحديد درجة الحرارة ✅ الأفضل ٢٥ درجة .. مريحة وموفرة 🌙 SLEEP = وضع النوم ✅ بيقلل التبريد تدريجيًا ويوفر الاستهلاك وانت نايم 💨 FAN = سرعة المروحة ✅ قلل السرعة لما الجو مش حر قوي، هتريح الضاغط وتقلل الحمل ♻️ MODE = نوع التشغيل

في ظل الاهتمام المتزايد بالتحول إلى مصادر الطاقة النظيفة، يُعتبر الهيدروجين الأخضر واحداً من أبرز الحلول الواعدة لتوليد الطاقة الكهربائية بشكل مستدام. الهيدروجين الأخضر هو الهيدروجين الذي يتم إنتاجه من خلال عملية التحليل الكهربائي للماء باستخدام الطاقة المتجددة، مثل الطاقة الشمسية أو الرياح، مما يجعله بديلاً صديقاً للبيئة مقارنةً بالهيدروجين الرمادي أو الأزرق الذي يتم إنتاجه باستخدام مصادر الطاقة الأحفورية. إنتاج الهيدروجين الأخضر تتمثل عملية إنتاج الهيدروجين الأخضر في فصل الماء إلى هيدروجين وأكسجين بواسطة التحليل الكهربائي. هذه العملية تتطلب كهرباء نظيفة لتكون فعّالة من حيث الكفاءة البيئية. إذا كانت الطاقة المستخدمة في عملية التحليل تأتي من مصادر متجددة، فإن الهيدروجين الناتج يكون خالياً من الانبعاثات الكربونية، مما يجعله خياراً مثيراً لمستقبل الطاقة المستدامة.

تتبنى مصر استراتيجية طموحة نحو تعزيز الطاقة الجديدة والمتجددة وتنوع مصادر الطاقة لتحقيق عدة أهداف تتعلق بالتنمية المستدامة وتقليل الاعتماد على الوقود الأحفوري. من أبرز ملامح هذه الاستراتيجية

سرقة التيار الكهربائي تعتبر مشكلة خطيرة ولها عدة مخاطر يمكن أن يتعرض الشخص الذي يسرق التيار الكهربائي للمسائلة القانونية مما قد يؤدي إلى فرض غرامات مالية كبيرة أو السجن. التلاعب في الأسلاك والعدادات يمكن أن يؤدي إلى حدوث حرائق أو صعق كهربي و قد تؤدي الي الوفاه. سرقة التيار يمكن أن تؤدي إلى انخفاض جهد الكهرباء، مما يؤثر على جودة الخدمة وقدرة الشبكة على تلبية الطلب وتعرض الاجهزة الي التلف. لذلك، تعتبر سرقة التيار الكهربائي جريمة تتسبب في أضرار جسيمة على المستوى الفردي والمجتمعي. ‎الكهرباء حق للجميع ‎يمكنك مراسلتنا عن سرقات التيار من خلال منصات التواصل الاجتماعي باسم بالشركة القابضة لكهرباء مصر ‎‏@eehcsm

تؤدي سرقات التيار إلى تحميل الشبكة الكهربائية بأكثر من طاقتها، مما يتسبب في انقطاعات متكررة للكهرباء، وهذا يؤثر على حياة المواطنين اليومية وعلى القطاعات الصناعية والتجارية. زيادة الأحمال غير القانونية على الشبكة تؤدي إلى تقليل جودة الخدمة المقدمة للمشتركين، مما يسبب أعطالاً ومشاكل تقنية. استخدام الأساليب الغير قانونية للحصول علي التيار و يمكن أن يتسبب في حدوث حرائق وحوادث كهربائية تؤدي إلى إصابات خطيرة وحتى حالات وفاة. الكهرباء حق للجميع يمكنك الابلاغ عن سرقات التيار من خلال منصات التواصل الاجتماعي باسم بالشركة القابضة لكهرباء مصر ‏@eehcsm

تحسين كفاءة الطاقة زيادة وعي المواطنين والشركات بأهمية كفاءة استهلاك الطاقة يمكن أن يؤدي إلى تغييرات كبيرة في السلوك اليومي. برامج التوعية باستخدام الأجهزة ذات الكفاءة العالية والتوعية باهمية بطاقة كفاءه الطاقة قبل الشراء وتطبيق ممارسات توفير الطاقة. التكنولوجيا الموفرة للطاقة استخدام الأجهزة الكهربائية والتكنولوجيا الحديثة الموفرة للطاقة، مثل الإضاءة LED، والأجهزة الكهربائية ذات التصنيف العالي لكفاءة الطاقة، يمكن أن يقلل بشكل كبير من استهلاك الكهرباء.

ترشيد استهلاك الكهرباء يعد من القضايا الهامة في مصر، حيث تواجه البلاد تحديات كبيرة في تلبية الطلب المتزايد على الطاقة و يساهم الترشيد في توفير الموارد المالية والحفاظ على البيئة وتقليل الانبعاثات الضارة و تتبنى مصر عدة استراتيجيات وبرامج تهدف إلى تعزيز كفاءة استخدام الكهرباء وتشجيع المواطنين والمؤسسات على تبني ممارسات ترشيدية. ترشيد الإستهلاك هوالإستخدام الأمثل للموارد دون المساس براحة المستخدم. تحسين كفاءة الاستهلاك هى الإجراءات التي تتم لرفع كفاءة الأجهزة لتحقيق أقصى استفادة منها بتطبيق تكنولوجيا جديدة ذات وفر. ترشيد استهلاك الكهرباء في مصر يعد ضرورة حتمية لمواجهة التحديات الاقتصادية والبيئية. من خلال تبني استراتيجيات فعالة وتشجيع السلوكيات المستدامة، يمكن للمجتمع المصري تحقيق فوائد كبيرة على الصعيدين الاقتصادي والبيئي. الحكومة والمواطنون معاً يتحملون مسؤولية تحقيق هذا الهدف لضمان مستقبل مشرق ومستدام.